ਤਾਜਾ ਖਬਰਾਂ
ਸਿਰਸਾ ਦੀ ਸੀਆਈਏ ਪੁਲਿਸ ਨੇ ਇੱਕ ਵੱਡੀ ਸਫ਼ਲਤਾ ਹਾਸਲ ਕਰਦਿਆਂ ਬੱਚਾ ਤਸਕਰੀ ਗਿਰੋਹ ਨਾਲ ਜੁੜੇ ਬਿਹਾਰ ਦੇ ਇੱਕ ਜੋੜੇ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਹ ਜੋੜਾ ਖੰਨਾ ਤੋਂ ਅਗਵਾ ਕੀਤੇ ਗਏ 3 ਸਾਲ ਦੇ ਬੱਚੇ ਨੂੰ ਬੱਸ ਰਾਹੀਂ ਲੈ ਕੇ ਜਾ ਰਿਹਾ ਸੀ।
ਪੰਜਾਬ ਪੁਲਿਸ ਵੱਲੋਂ ਸਿਰਸਾ ਪੁਲਿਸ ਨੂੰ ਮਿਲੀ ਜਾਣਕਾਰੀ ਅਨੁਸਾਰ, ਗਿਰੋਹ ਪਹਿਲਾਂ ਹੀ ਬੱਚੇ ਨੂੰ ਅਗਵਾ ਕਰਕੇ ਬਿਹਾਰੀ ਜੋੜੇ ਨੂੰ ਵੇਚ ਚੁੱਕਾ ਸੀ। ਇਸ ਸੂਚਨਾ ਉਪਰੰਤ, ਸਿਰਸਾ ਪੁਲਿਸ ਨੇ ਫਰਵੈਨ ਪਿੰਡ ਦੇ ਨੇੜੇ ਨਾਕਾਬੰਦੀ ਕੀਤੀ ਅਤੇ ਬੱਸ ਦੀ ਜਾਂਚ ਦੌਰਾਨ ਜੋੜੇ ਨੂੰ ਕਾਬੂ ਕਰ ਲਿਆ।
ਪੁੱਛਗਿੱਛ ਵਿੱਚ ਜੋੜੇ ਨੇ ਖੁਲਾਸਾ ਕੀਤਾ ਕਿ ਉਹ ਬੱਚੇ ਨੂੰ ਅੱਗੇ ਵੇਚਣ ਦੀ ਤਿਆਰੀ ਕਰ ਰਹੇ ਸਨ। ਪੁਲਿਸ ਨੇ ਬੱਚੇ ਨੂੰ ਸੁਰੱਖਿਅਤ ਪਰਿਵਾਰ ਦੇ ਹਵਾਲੇ ਕਰ ਦਿੱਤਾ, ਜਦੋਂ ਕਿ ਗ੍ਰਿਫ਼ਤਾਰ ਜੋੜੇ ਨੂੰ ਅਗਲੀ ਕਾਰਵਾਈ ਲਈ ਪੰਜਾਬ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ।
ਡੀਐਸਪੀ ਅਰਸ਼ਦੀਪ ਸਿੰਘ ਨੇ ਦੱਸਿਆ ਕਿ ਖੰਨਾ ਤੋਂ ਬੱਚਾ ਅਗਵਾ ਕਰਨ ਵਾਲੇ ਗਿਰੋਹ ਦੇ ਕੁਝ ਮੈਂਬਰ ਪਹਿਲਾਂ ਹੀ ਪੰਜਾਬ ਪੁਲਿਸ ਦੇ ਹੱਥ ਲੱਗ ਚੁੱਕੇ ਹਨ। ਹੁਣ ਸਿਰਸਾ ਵਿੱਚ ਕੀਤੀ ਗਈ ਕਾਰਵਾਈ ਨਾਲ ਪੂਰੇ ਮਾਮਲੇ ਦੀ ਗ੍ਰਿਫ਼ਤ ਹੋਰ ਮਜ਼ਬੂਤ ਹੋ ਗਈ ਹੈ।
Get all latest content delivered to your email a few times a month.
